ՀԱՆՐԱՅԻՆ ՀԱՂՈՐԴԱԳՐՈՒԹՅՈՒՆ
ՀԱՅԿԱԿԱՆ ԿՐԹԱԿԱՆ ՑԱՆՑԸ ՄԱՍՆԱԿՑԵՑ ՀՀ ԿՐԹՈՒԹՅԱՆ ՏԵՍՉԱԿԱՆ ՄԱՐՄՆԻ ԲՅՈՒՋԵԻ
ՀԱՆՐԱՅԻՆ ՔՆՆԱՐԿՄԱՆԸ
2019թ.-ի հունիսի 13-ին ՀՀ կրթության տեսչական մարմնի գրասենյակում տեղի ունեցավ ԿՏՄ բյուջեի հանրային քննարկում: «Հայկական կրթական ցանց» ՔՀԿ կոալիցիան ի դեմս ցանցի համակարգող «Գործընկերություն և ուսուցում»/ԳՈՒՄ ՀԿ-ի գործադիր տնօրեն Արտաշես Տոռոզյանի, ցանցի անդամ «Երիտասարդները հանուն զարգացման» հիմնադրամաի տնօրեն Խաչիկ Աբաջյանի և «Կապանի ուսուցիչներ» ՀԿ-ի նախագահ Մագդա Գևորգյանի ակտիվ մասնակցություն ունեցան հանրային քննարկմանը:
Հանդիպման բացման խոսքով հանդես եկավ ՀՀ կրթության տեսչական մարմնի ղեկավար Ալեքսանդր Շագաֆյանը, ով ներկայացրեց բյուջեի նախագիծը՝ անդրադառնալով բյուջեում ներառված բոլոր հիմնական բաժիններին և նախատեսվող ծրագրերին:
Հայկական կրթական ցանցի անդամ կազմակերպությունների ղեկավարները քննարկման ընթացքում հանդես եկան կրթական ոլորտի բարելավմանն ուղղված մի շարք առաջարկույթուններով, որոնք արժանացան ԿՏՄ ղեկավարության և ներկայացուցիչների հավանությանը:
Կարևորելով ՀՀ կրթական ոլորտում հանրային քաղաքականությունների մշակման գործընթացներում բոլոր շահագրգիռ կողմերի և մասնավորապես՝ հանրային հատվածի մասնակցության ապահովումը, ԿՏՄ ղեկավար Ա. Շագաֆյանը հանդես եկավ համագործակցության ընդլայնման նախաձեռնությամբ՝ առաջարկելով Հայկական կրթական ցանցի անդամ կազմակերպություններին ակտիվ և բովադակային մասնակցություն ունենալու ՀՀ կրթության տեսչական մարմնի և վերջինիս մարզային կառույցների գործունեության ընթացքում:
www.armedunet.com
Հասցե՝ՀՀ, Երևան 0028, Օրբելի եղբայրների փող., 45 շենք
Հեռախոս՝+374 77 23 17 33
Էլ․փոստ՝ armedunet.com@gmail.com
